NAKAUPO si Mirathea habang nakapangalumbaba sa harap ng nakabukas niyang computer. Hindi niya magawa ng maayos ang trabaho dahil sa pag-aaway nila kanina ni Lawrence. At kung ano-ano na rin ang masasamang ugali nito ang nailagay niya sa sinimulan niyang article tungkol sa lalaki.
She sighed and saved the documents on the flash drive. Pagkatapos ay binura niya iyon sa computer.
"Miss Thea, may naghahanap po sa inyo." Nakakunot ang noo na napaangat ang tingin niya kay Heart.
Tatlo silang article writer na nagse-share ng office. Si Heart naman ang kanilang assistant. Kaya mas magaan ang trabaho niya rito kaysa roon sa office sa Davao.
Junior writer siya at wala silang mga assistant na taga-gawa ng mga documents na kailangang ipa-photocopy or i-fax sa ibang branch para ma-review ng mga sen
