WALANG imik at nanatiling nasa labas lang ng bintana ng sasakyan ang mga mata ni Mirathea.
Pauwi na sila sa mansion. Kahit anong pilit niya kanina na pakawalan siya ni Lawrence dahil may trabaho pa siya pero hindi man lang ito natinag.
Sa gilid ng kaniyang mga mata ay nakikita niya ang panaka-naka nitong pagsulyap sa kaniya. Tatagal lang ang tingin nito sa kaniya kung hihinto ito dahil naka-stoplight. Pero ni isang sulyap ay hindi niya ito binigyan.
Sobrang sama pa rin ng loob niya sa pang-aakusa nito sa kaniya. At mas maiinis lang siya kung titingnan niya ito.
But come to think of it, wala pala talaga silang tiwala sa isa’t isa. Tiwala na dapat ay meron sila para maayos itong pagsasama nila. Wala itong tiwala sa kaniya, walang pagmamahal.
Ano na ang mangyayari? Ganito na lang ba sila
