KAHIT yata sumayaw sa harapan ni Mercilita si Wena, Claire at Steph ay hindi niya pa rin magagawang ngumiti. Gusto na lamang niyang umiyak para kahit papano ay maibsan ang kahihiyan na kanyang sinapit. Pilit siyanmg inaaliw ng mga kaibigan.
“Namamaga na ang mga mata mo,” puna sa kanya ni Steph.
“Oo nga,” dugtong naman ni Claire sa kanya.
Inutusan ang mga ito ni Sebastian upang aliwin siya.
Kahit anong pigil niya sa luha niya ay hindi niya mapigilan.
Huminga siya nang malalim. Naniningkit na nga ang kanyang mga mata.
“Tissue,” inabot ni Steph ang tissue sa kanya.
Kinuha niya iyon at pinunasan ang mukha. Kay aga aga ay sira na ang kanyang araw.
“Sigurado akong bitter ang asawa ni Mr. President sa’yo,” wika naman ni Wena.
Naikwento niya na rin sa mga ito ang ugnayan nila ni Sebasti
