HINDI INAASAHAN ni Sebastian nang puntahan siya ni Brent sa opisina niya sa Herrera Holdings. Nabigla pa siya nang makita ito.
"Nagkamali ka yata ng opisina na pinuntahan," wika niya sa lalaki.
Napansin niya ang galit sa mukha ni Brent. Namumula ang mukha nito. Ang kamao rin nito ay nakakuyom na akala mo ay susugurin siya ng suntukan.
"Ikaw talaga ang sinadya ko Sebastian," wika sa kanya ni Brent.
"What do you want? May appointment ka ba para makipag-usap sa akin?" tanong niya sa lalaki. "Marami akong ginagawa,"
Nakasandal siya sa kanyang swivel chair samantalang hindi niya man lang inalok ang lalaking kaharap na umupo. Unang tingin niya pa lang kay Brent ay hindi niya na ito gusto. Pakiramdam niya ay may itinatago itong ugali.
Isa na rin sigurong dahilan ay nagseselos siya kung kay
