THE EX-CON’S COUNTERATTACK – CHAPTER 25
AMARA’S POINT OF VIEW
Tatlong araw na akong nananatili rito sa mansion ni sir Barry. Wala akong ginagawa kundi ang kumain at matulog lang. Pakiramdam ko nga’y nagiging pabigat na ako rito, e. ‘Di naman kasi ako palamunin sa bahay dahil marami akong naitutulong kay Papa pero dito sa mansion niya, sinusubukan kong tumulong sa mga kasambahay ngunit ‘di nila ako pinapayagan.
Kaya heto’t nakahiga lang ako sa aking malambot na kama. Malaki itong kuwarto na tinutulugan ko, kompleto na rin sa gamit, hindi katulad sa kuwarto ko sa bahay na walang sariling banyo. Pakiramdam ko nga’y nagmimistula akong isang prinsesa na pinakasalan agad ang lalaking kakakilala pa lang. Wala akong sinabing si Cinderella ito pero parang ganoon na nga. Hind
