Tahimik na ang buong kabahayan at sinamantala iyon ni Greta para pumuslit sa kanilang kwarto. Sinilip niya si Stefano sa study room at nakita niya itong namamaluktot na sa sofa. Alam niyang iniiwasan na siya nito at kailangan na niyang kumilos ng maaga bago pa mahuli ang lahat. Nagtext sa kaniya si Sebastian na magkita sila kapag tulog na ang lahat para pag-usapan ang plano nila sa mga susunod na araw.
"Psst! Over here!" sipol ni Sebastian sa madilim na bahagi ng hardin. Kaagad niyang sinundan ang boses nito at kaagad naman niya itong natunton. May dala pang manipis na kumot ang binata kaya pwede silang sumalampak sa lapag.
"We have a huge problem!" bungad niya pagkalapit pa lang dito.
"I know, kaya nga ako nagyakag ng meeting." sagot nito. Sinensyasa nito ang dalaga na maupo sa tabi n
