AVA
Magmula nang makausap ko si Jaxson ay hindi na nagtagpo ang landas namin. Umaasa akong tuloy-tuloy na ito. Mas mabuti ito para sa aming dalawa upang walang maging problema. Parehong tahimik pa ang buhay namin.
Inayos ko ang skirt ko at blusa na hiniram ko rin kay Kara. Lahat yata ng damit na suot ko ay puro hiram kay Kara. Bumuga ako ng hangin bago pumasok sa opisina ni Sir Joaquin. Kinakabahan ako at hindi mapakali. Unang araw ko ngayon sa trabaho sa corporate world. Makakasalamuha ako ng mga taong may mataas na pinag-aralan.
“Mr. Cuerva is expecting you. You are welcome to enter,” sabi ng sekratarya ni Sir Joaquin. Grabe rito dahil karamihan ay english ang salita. Ngumiti ako at tumango. Tinungo ko ang opisina ng boss ko. Kumatok ako ng dalawang beses bago pumasok.
“Good mor
