JAXSON
Pinasyal ko ang mag-ina sa mall. Tuwang-tuwa ang anak namin ni Ava. Umaapaw ang saya ko kapag nakikita kong nakangiti ang dalawang taong mahalaga sa buhay ko. Wala na akong mahihiling pa sa diyos. Sa kabila ng naranasan naming unos ni Ava ay nandito pa rin kami magkasama. Matapos niyang aminin na mahal niya ako ay sobrang saya ko. Walang pagsidlan ang tuwa ko.
“Papa, bibili mo ako toy?” tanong ng anak ko. Hinaplos ko ang ibabaw ng kanyang ulo. Mahal na mahal ko ang aking anak.
“Oo naman anak kahit ano'ng gusto mo bibilhin natin.” Napangiti ako. Napasulyap ako kay Ava. Sumama ang mukha niya. Alam kong hindi siya sang-ayon sa gusto ko sa anak namin. Gusto ko lang maranasan ng anak namin ang magkaroon ng mga laruan.
“Huwg mong i-spoil ang anak natin at baka mawili, bahala ka. Da
