AVA
Habang nag-aayos ng damit ni baby Ezra napatingin ako sa TV nang marinig ang pangalan na ayokong marinig. Walang iba kundi sila Candy at Jaxson.
Hindi ko alam na binuksan muli pala ang kaso. Hindi na ako naghabol pa kung sino talaga ang may sala. Napagtanto kong wala rin naman magagawa dahil hindi na maibabalik ang buhay ng pamilya ko kahit makulong ang isa sa kanila.
Sana lumayo na lamang ako at hindi na nagpakita sa kanila. Mas lalo akong nasasaktan sa tuwing nasa trial ako at nakasalang sa witness stand noon. Parang pinupunit ang bawat himaymay ng puso ko. Hindi ko ma-imagine kung ano’ng paghihirap nila habang tinutupok ng apoy ang bahay. Sinisisi ko ang sarili ko dahil wala ako roon para iligtas sila. Pakiramdam ko ay wala akong kuwentang anak at kapatid. Nag-init ang sulok ng
