NANG marating namin ang private suite na para sa akin ay inis na pumasok ako sa loob at marahas na isinara ko ang pinto niyon.
Napatitig ako sa aking kabilang braso. Namumula na naman ito. Kahit kailan talaga napaka-harsh ni Royce sa tuwing naiinis ito sa akin.
Agad akong dumiretso sa banyo para sana magbanlaw. Nang biglang tumunog ang aking cellphone na bagong bili ni Rosalie.
Sa araw na ito ang araw na pwede nitong dalawin si Dad. Ako na tunay na anak ay pinagbawalan ni Royce na bumisita kay Dad, dahil sa ako raw kasi ang dahilan ng pagkakaroon nito ng cardiac arrest. Kung alam lang sana nito ang katotohanan.
Hanggang sa magpasya akong sagutin ang tawag ni Rosalie. "Mom?" sagot ko.
"Magkasama pala kayo ni Royce? Teka, wala ka bang klase ngayon?" Bakas sa boses ni Rosalie ang lab
