NAGULAT ako nang makita si Dad na umibis mula sa kulay itim na Bugatti. Awtomatikong naglandas ang mga luha mula sa aking mga mata.
"Daddy..." Lumuluha kong turan. "Excuse me, Aiko."
"No, worries."
Tumakbo ako palapit kay Dad at niyakap ito ng buong-higpit. "Dad..."
"Hija, I'm back!" Masiglang tugon ni Dad sa akin. Nakangiting tinuyo nito ang mga luha na ngayo'y naglandas sa aking magkabilang-pisngi, gamit ang magkabilang hinlalaki nito.
"Daddy, sigurado ka bang okay ka na?"
"Ang sabi niya mas malakas pa raw siya sa kalabaw, hija," sagot ni Rosalie sa akin na mula sa front seat ay umibis.
"Malakas na ako awa ng Panginoon, hija. Masaya ako at sa paggising ko ay maraming nagbago. Hindi ko akalaing sa matagal na panahon ay natutunan mo na ring tanggapin si Rosalie bilang pangalawa mo
