Shara's POV
Bahagyan kong kinuha ang isang maliit na syringe na nakasuksok sa loob ng bra na suot ko. Ipinasayad ko ang maliit na pocket na ito noon pa, para sa mga ganitong biglaang kaganapan. Lagi ko itong dala dala kahit saan ako magpunta. Matagal na ang syringe na ito sa loob, nasa US pa lang ako noong ilagay ko ito dito. Hindi ko aakalaing kakailanganin ko pa pala ito kahit nasa ibang mundo na ako ngayon.
Pasimple ko itong itinurok sa may bandang likuran ko. Mahalaga ang ginagampanan ng likidong laman nito sa Sistema ko. May formula itong nagpapabago sa komposisyon ng DNA ko sa loob ng isang araw lamang. Kapag lumagpas na sa bente kwatrong oras, nanunumbalik din ito agad sa dati. Ito ang dahilan kung bakit hindi nila ako matukoy tukoy kahit ilang litro pa ng dugo ang dumanak sa mga
