Shara's POV
Hindi ko maiwasang ilibot ang mga mata ko sa maluwang na suite niya. Ang linis nang buong paligid hindi mo aakalaing isang lalaki ang nagmamay-ari.
Bahay ba niya ito? Ang luwang kasi. Kung tutuusin, office pa lang niya ang kinatatayuan ko. Ibig sabihin, hindi lang ito ang silid niya kundi marami pa.
Sinuway ko ang sarili ko sa patuloy na pagmumuni-muni. Mamaya ka na kumilatis Shara! Bumalik ang tingin ko sa kanya. Siya naman ay nakatingin lang nang seryoso sa akin pagkatapos ay biglang napailing sabay ngisi.
Gusto niya talaga akong pagmukhaing katawa-tawa sa harapan niya. Wala ba siyang planong ibalik ang mga sapatos ko? Talagang nasisiyahan siyang makita akong walang saplot sa mga paa.
"Ano?!" Inis kong tanong sa kanya.
Nginisihan niya lang ulit ako. "Chill, Miss Coe. Ex
