Tama yan!" marahang banggit ng isang lalaki sa aking panaginip bago tuluyang magising ako.
Nakasikat na pala ang araw. Ang mabuti pa ay bumangon na ako rito at maghanda na ako.
Nang pagkabangon ko ay nakita kong masarap pa ang tulog ni Carrisa kaya't hinayaan ko na lang muna siya dahil baka pagod siya sa maghapong pagtatrabaho at pag-aasikaso pa sa akin.
Nang kunin ko ang cellphone ko sa loob ng aking bag ay tulad ng inaasahan, maraming message at missed calls si mama pero isa sa mga iyon ang pumukaw ng aking atensyon.
"Umuwi ka na, nak. Hindi ako galit. Alam kong nasa bahay ka lang ng kaibigan mo. Huwag ka nang matakot," banggit ni mama sa isang text message kaya't tila parang maiiyak ako.
Pagkatapos ko siyang papag-alalahanin ay nakuha pa niya akong alalahanin.
Lalo ko tuloy n
