Ngayon ang pangalawang araw ng Foundation Day namin. Ngayon ko lang napansin na may ginawa pala silang horror house dito. May isang 'di kalakihang ferris wheel rin dito.
Nagmistulang isang perya na nga ang school namin dahil sa mga iyon at sa mga nagkalat na booths, pero tuwing foundation day lang naman ito nangyayari.
Nakatambay ako ngayon sa isang booth kung saan naka-assign si Clea. Kumakain kami ngayon ng cotton candy na binili namin.
"Tagal naman pumasok ni Logan," naiinip na sabi ko.
"Ayan na oh!" sabi ni Clea at itinuro si Logan na kapapasok lang ng gate. Napangiti ako at agad na tumayo sa kinauupuan ko.
"Clea, maya nalang tayo mag-usap. Bye!" Paalam ko sa kanya.
"Uy! Teka lang! Hindi mo pa ako nababayaran sa pinambili mo ng cotton candy!" Rinig kong sigaw niya pero hind
