Lumabas na ako ng bahay. Friday naman ngayon at may pasok kaya sa school na lang ako pupunta.
Sumakay na ako ng taxi. Binuksan ko muna ang cellphone ko, pinalitan ko ang sim card ko kaya wala na akong natatanggap na text galing sa mga kaibigan ko. Buti na nga lang ay hindi nila naiisipang pumunta sa bahay. Baka pinipigilan din sila ni Sindro.
Tinignan ko ang oras at malapit na rin pala mag uwian.
"Miss, nandito na po tayo sa school." Sabi ng driver. Nagbayad na ako at bumaba.
May tindahan malapit sa school kaya doon muna ako nagpunta. May ilang estudyante na rin ang naglalabasan.
"Beth?" Napalingon ako sa tumawag sa 'kin.
"Ate Remy!" Siya yung tindera dito sa tindahan.
"Anong ginagawa mo dito? Bakit hindi ka naka uniporme? Hindi ka ba pumasok?" Sunod-sunod na tanong niya.
"
