Ngayon ang uwi namin at nakasakay na kami ngayon sa bus. Si Clea na ang katabi ko. Sina James at Sin naman ang magkatabi. Hinila agad ni Krisha si Logan kaya sila ngayon ang magkatabi. Ako yata ang nauna rito sa bus kanina dahil natakot na talaga ako na baka maiwan na naman ako. Sinigurado ko naman na wala na akong naiwan.
Tumingin ako kay Logan. Ayos lang din na hindi kami magkatabi ngayon dahil nakakaramdam pa rin ako ng hiya dahil sa sinabi ko kagabi.
"Ano? Bakit ganyan itsura mo? Nahihiya ka pa rin ba?" Tanong sa 'kin ni Clea.
"Wag ka ngang maingay. Nasa harap lang kaya natin sila." Sita ko sa kaniya. Mas nakakahiya pag narinig ni Logan ang pinag-uusapan namin.
"Pero totoo bang sinabi niya na hindi sila bagay ni Krisha? Ibig sabihin lang no'nay wala siyang gusto kay Krisha at m
