كان كمال لا يعقل وقد أغتاظ منه علاء بشدة مما جعله يقول له بسخرية لاذعة :-
"لا أطمن ..عمها مش ساكن معاهم يعني مش هتلاقيه هناك "
قال كمال له بدهشة :-
"طب وأنت عرفت إزاي أنه مش ساكن معاهم ؟.."
صاح به علاء بغضب :-
"ما هو لو سيادتك كنت مركز في الكلام اللي قاله إمبارح كنت فهمت أنه ساكن بعيد عنها بس هو ولي أمرها "
عقد كمال حاجبيه وقال لعلاء :-
"يعني هو لازم أروح بنفسي ؟ أنا هبعت لها أي حد من الشركة "
قال له علاء بغضب :-
"تاني هترمي مسؤلياتك علي حد غيرك يا أخي خلي عندك دم بقة وروح بنفسك هات الملف منها محدش هيكلك هناك "
"طب ما تيجي معايا "
"دا علي أساس إنك طفل صغير مش هتعرف تروح لوحدك ؟"
تأفف كمال وقال بغضب :-
"يا سلام وأنت معتقد أني خايف مثلا وألا حاجة ؟...أنا هروح هيحصل إيه يعني "
قالها بغضب شديد وخرج من المكتب وعلاء يزفر أنفاسه بغيظ فربما لو ذهب وأستشعر بنفسه المشكلة التي صنعها لل
