كان من الغريب جداً أن يسمع علاء هذه الكلمات تص*ر عن كمال وبهذه السرعة فنظر له لبعض الوقت دون أن يقول شيئاً وبعدها قال له بهدوء :-
"أخيراً ربنا هداك ؟..لكن هو الدخول علي بيوت الناس بيبقي كدا خبط لازق مش لازم نتصل الأول ناخد معاد أو نبعت مرسال ليهم الأول أن أنت رايح "
قال كمال بحنق :-
"وإيه المشكلة ؟.. هما كانوا يحلموا أن بنتهم تتخطب لواحد زيي ؟؟.."
اغتاظ علاء منه وقال له :-
"حتى لو يا كمال الحاجات دي لها أصول ثم هنروح الصبح نهجم عليهم تعالي يا أخي نروح أخر النهار طيب "
فقال كمال له :-
"ماشي خليها بعد الشغل بس لو أتأجلت أكتر يبقي أنسي الموضوع جرعات الشجاعة دي مش بتيجي غير مرة واحدة "
وخرج بعاصفة من المكتب كما دخله فهز علاء رأسه بدهشة فكمال شخص غريب ومن الصعب ترويضة فجالت صورة سالي فجأة بخاطره وعيناها الباكيتان اللذين لازالا يؤرقوا مضجعه ف*نفس بضيق وحاول إزاحتها عن رأسه وفكر ببوسي ا
