PAGGISING ni Ysabel sa umaga hindi lang ang puso niya ang masakit kundi pati ulo niya. Halos mag-uumaga na rin siyang nakatulog sa mahinang pag-iyak kagabi. Mabuti nalang at pagud yata ang Mama niya at madaling nakatulog hindi nito napansin ang pag-iyak niya kagabi. Masakit rin ang tiyan niya dahil walang laman iyon hindi na siya bumangon kagabi para kumain sa sobrang bigat ng nararamdaman ng puso niya. Maaga palang gising na ang mga katulong sa mansion. Ang Mama niya ay nagluluto na ng almusal para sa mga amo nila. Habang ang ibang mga katulong ay nag-aalmusal.
"Oh, anak sumabay kanang kumain kayla ate Marie mo," kausap ni Anna sa anak na bahagya lang sinulyapan dahil busy ito sa pagluluto.
"Bakit namamaga ang mata mo, Ysa? Umiyak ka ba?" tanong ni ate Marie sa pagitan ng pagnguya ng
