Loss, Tears, Second Chance
GABI na subalit hindi pa rin makatulog si Anje. Ilang linggo na ang nakararaan nang mailibing ang Ate Eve niya. Ngunit nagluluksa pa rin ang buong bahay nila. Lalo ring dumalang sa pag-uwi ang mga magulang niya at kapag naroon ang mga ito ay halos hindi sila nag-uusap. Si Ted ay palaging nasa bahay pero halos hindi niya ito nakikita. Maliban na lamang kapag narinig na niya ang teklado ng piano kapag gabing-gabi na. Kapag ganoon ay tahimik siyang lumalabas ng silid niya at sisilip sa music room upang pagmasdan ito. Kahit na palaging sumasakit ang puso niyang makita ito na nagluluksa sa piling ng piano, hindi pa rin niya mapigilang tingnan ito gabi-gabi.
Napadilat si Anje nang umabot sa pandinig niya ang pamilyar na teklado ng piano. Hindi niya inaasahang mar
