MICHELLE’s POV
Muli kong binuksan ang zipper ng malaking bag na dadalhin ko sa beach resort para sa weekend getaway namin ng aking kaibigang si Vina, kasama ang boyfriend nito, at ang lalaking tuluyan ko nang nabilog ang utak, si Ian.
Ang taong magiging dahilan ng labis na pasakit na mararamdaman ng aking pinsang si Rannicia.
Kawawang babae. Wala man lamang itong kaide-ideya na tuluyan ko nang nakuha ang loob ng asawa nito.
Hindi lamang iyon, pati ang katawan ng mister nito ay akin na ring naangkin.
Well, kahit paano ay nakararamdam pa rin naman ako ng awa para kay Rannicia. Sa totoo lang, simula nang tumira ako sa bahay nilang mag-asawa ay hindi ito nagpakita ng kagaspangan ng ugali sa akin.
Ngunit sa tuwing naaalala ko ang ginawa ng ina nito sa aking Lola Fely ay mabilis na natata
