RENZ’s POV
Narito ako sa loob ng isang malaking mall nang maramdaman ko ang vibration ng aking phone sa loob ng bulsa ng aking suot na pantalon.
Kaagad kong kinuha iyon at tiningnan kung sino ang tumatawag. Napangiti ako nang makita sa screen ng cellphone ang inilagay kong pangalan para sa babaeng nagpapasaya ng aking puso nitong mga nakalipas na linggo.
Mahal Ko.
Binasa ko iyon sa aking isip bago sinagot ang phone call mula kay Michelle.
Renz: Hello, mahal ko.
Hinaluan ko ng lambing ang pagkakasabi ko sa mga salitang iyon.
Narinig ko ang isang mahinang tawa mula sa kabilang linya. Pakiramdam ko ay tumalon ang aking puso dahil sa tawang iyon ni Michelle.
Michelle: Naku, Renz. Ang aga-aga. Huwag kang masyadong nagpapakilig.
Ngayong alam ko nang mahal din ako ng babaeng iniibig ko a
