ANALIE’ POV
NAKAKAINIS! Ewan, basta naiinis ako.
Natulog na ako lahat- lahat, hanggang ngayon hindi pa rin nagchachat! Pagkatapos ng lahat, nganga na.
“Bakit ba ako nagpapaapekto sa lalaking iyon? Kahit nga kuko niya hindi ko pa nakikita tapos magkakaganito ako?” tanong ko sarili ko. “Kasi naman! Ako na lang laging last reply. Nakakainis!”
Napahiga na lang ako sa higaan ni Debs. Isa pa iyon, kumusta na kaya ang pinsan ko? Anong oras na hindi pa siya nakakauwi. Parang sobrang dami naman ng nilabhan niya, hapon na pero wala pa rin siya.
Baka nagbonding sila ni Fe?
Nakakainggit naman kung ganun. Kung wala lang talagang pasok kanina, sasama ako! Biglaan kasi ang announcement na may klase, tapos nganga lang pala kami kanina sa classroom.
Nakatulog na nga lang ako kanina pag-uwi.
