Bobby’s Flashback:
"Hoy, pare ikaw na!" abot na lang ni Arnold ng isang baso sa kanya.
Dama niya na ang pag ikot ng kanyang paningin at sikmura habang pinagmamasdan ang naturang lalagyan ng inumin. Nakaka-ilang bote na rin kasi sila ng beer bago magpalit ng mas matapang na alak.
"Tama na pare," tinulak niya na lang ang kamay nito, "hindi ko na kaya," pakiusap niya sa kaibigan dahil pilit pa rin nitong pinapahawak sa kanya ang baso.
Malakas naman ang naging tawanan ng mga taong nakapaligid sa kanila, dala na rin marahil ng tama ng inumin.
"Ulol, bilisan mo na!" muli nitong saad sabay sapilitang inilagay ang baso sa kamay ni Bobby.
Wala na siyang nagawa kung hindi ilapat iyon sa kanyang bibig at lagukin ang iniabot nitong malamig na gin, ayaw niya rin naman na ipahiya ang kaibigan
