Nang puntahan niya ang opisina ni Nathaniel ay hindi ito makapaniwala na dumating siya nang walang abiso. Iniwan nito ang conference meeting nang malaman na naroroon siya. Sinita pa niya ang sekretarya nito dahil sinabi sa kapatid pagdating niya ngunit inawat siya ni Nathan at sinabing mas importante siya kaysa sa kung anong meeting pa yan. Isa pa ay sinabi nito na kaya ng mga tauhan nito na sagutin ang anumang mga katanungan tungkol sa topic ngayon. Ganoon kalaki ang tiwala nito sa mga nagtatrabaho sa kumpanya nila.
"Pero ang mata ng mga staff mo ha, para akong specimen sa science subject nila kung tignan ako ha. Akala ko ba naibalita na ganito na ang itsura ko ngayon?" nakangusong sabi niya sa kapatid.
Inanunsyo na kasi ng kanyang pamilya ang relasyon ng mga ito sa sikat na pinto
