Kabanata 12
ISANG linggo nang nanatili sina Angel kina Dominic at Myla. Talagang masasabi niyang ang babait ng magkapatid. Hindi lang napatunayan ng dalawa iyon kay Angel. Maging sa mga kasambahay ay sobrang mabuti ng magkapatid. Habang nakikita niya ang kabutihan ng dalawa at hindi maiwasang huwag mag-isip sa mga Montecilio. Sobrang bait din ng pamilya ngunit kanya na itong nasira.
“Angel… tingnan mo ito.” Lumapit si Myla sa kanya. Nasa beach silang dalawa ngayon kasama si Stanley at naglalaro ito sa maputi at mapinong buhangin. “Here.” Ibinigay ni Myla ang cellphone nito sa kanya at tiningnan ang screen. Social media account iyon ni Homer at kandila ang profile picture niyon.
“Bakit kandila?” kaagad niyang tiningnan ang account ni Douglas. Maging ito ay kandila rin. Kinabahan si Angel
