Kabanata 11
HABANG umiinom ng gamot si Angel ay mayroong kumatok mula sa labas ng pinto. Mabilis na kumilos ang anak na si Stanley at binuksan niyon ang pinto.
“Hello Stanley,” ani ng isang kasambahay at saka tumingin kay Angel. “Ma’am, sabay-sabay na raw po kayong kumain nina Sir Dominic at Ma’am Myla.”
“Si-sige po… susunod kami ni Stanley,” aniya.
Inayos na muna ni Angel ang kanyang sarili. Mabuti nalang ay agaran siyang nabilhan ni Myla ng mga damit pati na ang bata. Nakakahiya para sa kapatid ni Myla kung hindi siya presentable tingnan. Hindi paman niya ito napapasalamatan magmula no’ng dinala sila rito ng anak.
“Mama, you’re beautiful already,” ani ng bata.
“Alam ko iyon, gusto ko lang maging malinis tingnan.”
“Mama, pupunta ba si Daddy here?”
Mabilis na natigilan si Angel a
