BRIELLA'S POV
Sa isang convenience store na ako nagpaumaga dahil ayokong maabutan ako ni Nanay na mugtong mugto ang mga mata. Sinabi niya sa akin na pupuntahan niya si Aling Myrna ngayong umaga kaya bago umuwi ng bahay ay sinigurado kong nakaalis na siya.
Saktong alas syete ng umaga ay nagsimula na akong maglakad papasok sa lugar namin. Isang maliit na bag lang ang dala ko dahil iniwan ko ang mga damit na bigay sa akin ni Nyx. Iniwan ko rin ang cellphone na binili niya para sa akin. May naipon naman akong sapat na pera upang makabili ng de-keypad na cellphone.
Ang iniisip ko na lang ay alam ni Nyx kung saan ako nakatira. Hindi ko alam kung hahanapin ba niya ako o pupuntahan niya ako. Pero hinihiling ko na lang na huwag na sana. Mas okay na'ng ganito na lang, ako na ang lalayo at sana a
