BRIELLA'S POV
Alas singko ng umaga ay nakagayak na ako upang bumalik sa mansion ng mga Mallari. At katulad ng bilin ng senyorito ko, may dala akong sagobe dahil baka paghanapan pa niya ako mamaya.
Paglabas ko sa may kalsada ay nakasalubong ko pa si Rico na may bitbit na pandesal. Nang makita niya ako ay agad niya akong nginitian.
"Ella, nandiyan ka pala. Ang aga mo naman. Saan ka pupunta?"
"Babalik na ako sa trabaho ko, Rico. Sa isang linggo na ulit ang uwi ko," nakangiting sagot ko naman.
"Ganoon ba. Teka, nabalitaan ko pala na may kasama raw kayong lalaki kahapon ni Aling Tere. Boyfriend mo ba 'yon?" may halong lungkot na tanong pa niya.
Napakamot naman ako sa ulo ko. "Hindi. Suki iyon ni Nanay," maiksing sagot ko.
"Sayang. Hindi ko siya nakita kahapon para makilala ko kung sino s
