Nakarating din kami sa Caliraya Beach Resort. Naroon na rin ang limang bus na sakay ang mga empleyado ng Razon’s paint.
Pagbaba namin ni Brent ng sasakyan ay nakita kong kumakaway sa akin si Carol. Kumaway din ako sa kanya na animo’y hindi kami nagkita ng isang taon. Para kaming baliw!
Sinalubong kami ng isa sa mga staff ng resort at kinuha ang mga gamit namin ni Brent.
“Here’s your key for Villa 101, Sir.” Banggit ng staff
Inabot ng staff ang susi kay Brent.
Napalunok ako sa sinabi nito. Dinala ng staff ang lahat ng gamit namin ni Brent. Ibig sabihin ay dadalhin nya ang mga ito sa iisang Villa? Magkasama kami ni Brent sa iisang Villa?
Napakurap pa ako ng ilang beses? Gosh! Ito ang unang pagkakataon na may makakasama akong lalaki sa isang kwarto.
Kapag nalaman ito ni Mama o
