Pagkalipas ng dalawang araw...
Katulad nang aming inaasahan ay muling sinundo kami ng mga gwardiya at sinimulan na gabayan para dalhin kung saanman. Ang problema lang ay sa kabilang direksyon kami mga nagtungo kumpara sa aming nakagawian. Kaya hindi namin madadaanan man lang ngayon ang lounge area kung nasaan ang atenna ng aming collar.
Nagkatinginan tuloy kami dahil pare-pareho kami ng naiisip. Mukhang hindi magiging madali ngayon sa amin na lagyan ito ng signal jammer katulad ng aming naunang plano.
"Tingin niyo nakahalata na sila?" pabulong na tanong ni Ace sa amin, "Baka isinumbong na nga tayo ni Myles kaya binago nila ang ating dinadaanan."
Inilibot ko naman ang tingin sa aming paligid. Ayon sa mga kilos ng mga gwardiya ay wala silang ide-ideya sa dahilan ng ginawang kaguluhan noo
