Lihim na napangiti na lang si Doktor Thiago nang makita niya ang pagkatalo sa mukha ni Doktor Mark. Ang kaninang kompiyansa na mayroon siya bago magismula ang kanilang pagpupulong ay biglaang naglaho. Umasa na makakakuha siya ng pagkakilala sa ginawa niyang pagnakaw ng resulta na itinago niya.
Ngunit maling mali siya ng taong binangga. Ang buong akala siguro ng hangal na doktor na sa oras na nanakawin niya ang resulta na kanyang nakalap ay makakakuha na siya ng recognition mula sa kanilang pinuno. Hindi man lang siya nagtaka kung bakit hindi iyon inilabas ni Doktor Thiago sa kanila.
Iyon ay dahil walang pakinabang sa ngayon ang resulta na ito.
"Tss mukhang hindi nababagay sa trabahong ito si Doktor Mark," biglang komento naman ni Dr. Cisco at maririnig sa kanyang tono ang labis na pagk
