دموع الندى

البارت الأول

الساعه سبعه الصبح في بيت خالها المكون من مراته شيماء وبنتين علا ورغدة وولد رامي كانو كلهم قريبين من سن ندي شيماء اصحو يا ولاد يلا عشان المدرسة يلا يا علا بت يا رغدة ولا يا رامي ياني علي الغلب بتاع كل يوم ده علا بغضب صحينا اهو يا ماما خلاص رامي انا جعان اوي يا ماما ندي صباح الخير يا طنط شيماء بعصبيه صباح الخير يا عيون طنط انتي ايه اللي صحاكي دلوقتي ندي ببراءة صحيت عشان المدرسة هو انا مش هروح المدرسة ولا ايه.

شيماء لا يختي مش هتروحي المدرسة خالك لسه منقلش الملف بتاعك واوعي بئي من وشي خليني افطر العيال والبسهم عشان الباص زمانه جاي

ندي بحزن حاضر يا طنط بس هو أنا هقعد في البيت علي طول ولا ايه من وقت ما تيتا الله يرحمها ماتت وانا مش بخرج خالص شيماء يختي يعني هو أنا اللي بخرج عشان انتي تخرجي متنرفزنيش علي الصبح انا مش طايقه نفسي جمال يا جماااال تعالي شوف البت دي بتنرفزني بالسهوكة بتاعتها دي مش عارفه انت بليتنا بيها ليه جمال يا فتاح يا عليم يا رزاق يا كريم في ايه يا شيماء بتزعقي علي الصبح ليه بس يا بنت الناس.

شيماء ولا بزعق ولا مش بزعق انا قولت لك كفاية عليا عيالي متجيبش حد تاني اربيه مبتسمعش الكلام جمال استهدي بالله بس روحي يا ندي يا حبيبتي كملي نومك انتي ندي حاضر يا خالو بس ممكن أعرف حضرتك هتقدملي في المدرسة امتي عشان زهقت من قعدة البيت شيماء بنرفزة شوف البت أم ل**ن طويل بتقول ايه زهقتي مني يا بت ده انا شيلاكي من علي الأرض شيل ده انتي حتي مش بتروقي سريرك بس أنا اللي غلطانه انتي هتساعديني في كل حاجة هنا بعد كدا جمال لا حول ولا قوة إلا بالله عيلة لسه ومش متعودة علي قعدة البيت يا ستي هتعملي عقلك بعقل عيله ست سنين اتكلمي معاها براحة روحي يا ندي انا بس مش لاقي الملف بتاعك مش فاكر شايله فين بس أول ما الاقيه هروح تقدم لك في المدرسة علي طول.

ندي بحزن حاضر يا خالو جمال حرام عليكي يا شيخة دي عيلة يتيمه بنت اختي يعني انا المفروض في مقام أبوها ارميها في الشارع يعني شيماء بغل طب ما أبوها راميها في الشارع ومسافر يشوف حياته ده مجاش من ساعة ما امها ماتت غير مرة ولا اتنين ده حتي المصاريف بيبعت كل فين وفين انت بئي عاوز تدخلها المدرسة مع العيال وتدفع لها مصاريف اد كدا احنا لاقيين نكل جمال هو أنا مش لسه قابض مكافأة من الشغل مكانش محسوب لها أي حساب دي عشان ندي جت قعدت معانا إن شاء الله ربنا هيوسع رزقنا عشان البت الغلبانة دي وانتي كمان زي ما بتراعيها ربنا هيكرمك ويهدي لك الولاد اعتبريها اختهم يا ستي شيماء خلاص يا جمال انا مش عاوزة غير الثواب من ربنا جمال أيوه كده ربنا يخليكي ليا يا ست الكل يا قمر شيماء خلصتو لبس ولا لسه يا عيال خلصو الباص زمانه جاي.