دموع الندى

البارت التاني

رغدة أنا لبست يا ماما فين السندوتشات بتاعتي عشان متأخرش شيماء السندوتشات أهي يا حبيبة ماما رغدة بكرة الجمعة اجازة ايه رأيك يا ماما لو نروح حديقة الح*****ت ونخد ندي معانا تغير جو اصل أنا بسمعها بتعيط كتير بالليل يا ماما وبتصعب عليا شيماء ميصعبش عليكي غالي يا حبيبتي دي سهوكة بس البت دي عاوزة تتشد كدا عشان تنشف شوية ستها كانت مدلعاها الله يرحمها مطرح ما راحت بئي مشت وسابت ليا الهم رغدة طب ايه رايك في الفسحة دي بس مظنش ان بابا يعترض يعني شيماء روحو بس المدرسة كدا ولما تيجو نبئي نقرر هنعمل ايه علا يا ماما فين الشراب بتاعي شيماء هتلاقيه عندك فوق الجزامة.

علا مفيش حاجة فوق الجزامة يا ماما يلا الباص جه شيماء هي البت المفعوصة اللي اسمها ندي دي بتحرك كل حاجة من مكانها رغدة أهو يا بنتي واقع جنب الجزامة علا بغل ما أكيد هي اللي موقعاه عشان تأخرنا علي المدرسة ما هي بتغير مننا عشان مش عارفه تروح المدرسة وكملت بتريقة يعيني الملف بتاعها ضايع رامي بضحك انتو بتتخانقو علي مين يروح المدرسة خلي ندي يا ماما تيجي تروح مكاني وأنا أكمل نوم مكانها أحسن شيماء بصوت عالي بس يا ولا انت وهي انزلو يلا الباص هيمشي ويسيبكو.

جمال أنا هنزل بئي يا شوشو عشان متأخرش علي الشغل خلي بالك من ندي شيماء بغيظ في عنيا متقلقش انا كنت عاوزة فلوس بس اشتري شوية حاجات جمال هتشتري ايه بس ما كل حاجة عندك في البيت شيماء لأ البيت ناقصه شوية حاجات انت مش لسه قايل واخد مكافأة هات بئي متبقاش بخيل كدا وبعدين الحاجات معدتش بتكفينا المحروسة بنت اختك بتكل كتير جمال ندي بردو اللي بتكل كتير يا ساتر عليكي امسكي خفي ايدك في المصاريف شوية

شيماء حاضر اتكل علي الله انت ومتشيلش هم حاجة هات لنا حاجة حلوة وانت جاي.

ندي كانت سامعه كل الكلام ده وكانت بتعيط في سريرها من غير ما حد يسمعها لحد ما شيماء دخلت الأوضة فجأة شيماء بت يا ندي انتي يا بت انتي صدقتي خالك ودخلتي تنامي ولا ايه نامت عليك حيطة يا بعيدة قومي يختي قومي ورانا شغل كتير في البيت ندي بعياط حاضر يا طنط شيماء انتي كنتي بتعيطي يا بت انا عاوزاكي تنشفي شوية أنا بعلمك حاجات تنفعك قومي يلا ندي أقوم اعمل ايه شيماء هقولك أهو قومي خدي الفوطة دي ولمعي كل الموبيليا اللي في الشقه وبعدين شغلي المكنسة علي الأرض ونفضي سراير العيال وساويها وانا هنام شوية واصحي الاقيكي خلصتي الحاجات دي هقولك هنعمل ايه تاني في يومنا لسه ورانا غسيل وتنشير وطبيخ يومنا طويل فهمتي انا قولت ايه ولا لسه مفوقتيش.

ندي بحزن: لأ فهمت يا طنط حاضر هعمل اللي قولتي عليه شيماء عارفه لو خلصنا الشقه النهاردة وكنتي كويسة معايا ومع العيال طول اليوم هفسحك بكرة ان شاء الله هود*كي حديقة الح*****ت ندي بفرحة بجد يا طنط انا هعمل كل اللي قولتي عليه وبسرعة كمان شيماء أنا هدخل انام مش عاوزة اصحي الاقي حاجة م**ورة ه**ر دماغك وراها ومش عاوزة ازعاج طول ما انا نايمه مفهوم ندي مفهوم يا طنط بس انا جعانه أوي.شيماء عندك نص رغيف عيش في المطبخ ومعلقتين جبنه فايضين من سندوتشات العيال ابئي كليهم.

دخلت شيماء اوضتها ورزعت الباب وراها وده فجع ندي الرقيقه وافتكرت مامتها وجدتها وقعدت تعيط ندي مشيتي ليه وسيبتيني يا تيتا حتي بابا مش عارفه هو فين لو اعرف هو فين هتصل بيه عشان وحشني وعشان يخدني من هنا مش عارفه أعيش مع الناس دول خالص نفسي ارجع مدرستي واشوف اصحابي تاني والعب كرة السلة يا تري خالو هبلاقي الملف ولا لأ يا تري حطه فين انا ممكن أدور عليه وانا بروق...