Cacia’s POV
Imbis mag-relax at magbakasyon, heto, naging abala tuloy kami ni mama sa pagluluto ngayong hapon kasi may darating kaming buwisito. Dapat o-order na lang ako ng food sa labas, kaya lang ayaw ni mama. Maganda na magluto na kami sa kusina para raw maka-bonding na niya ako ulit doon, kaya hindi na ako nakatanggi.
“Kailangan niyo ba ng tulong dito sa kusina?” sabay na tanong ng kambal pagdating nila dito. Tumanggi naman agad kami ni mama kasi kapag nangialam pa sila ay baka lalo lang tumagal ang trabaho namin.
Sobrang saya nila nang malamang hanggang dalawang araw akong maglalagi dito sa bahay. Pag-uwi nila dito galing sa school, ako talaga ang unang hinarap nila kasi nag-message na pala agad si mama sa kanila na nandito ako sa bahay ngayon kaya agahan daw dapat nila ang uwi. Na
