"WOW! Bag na de-gulong, ate! Hindi talaga nakalimutan ni kuya Reagan 'yung promise niya! Ang ganda ganda!" Tuwang-tuwa si Nene habang yakap ang Disney Princess nitong bag na gaya ng hiling nito sa akin ay kulay pink at de-gulong pa. Si Konor ay mayroon din kahit hindi pa naman nito magagamit iyon.
"O, ingatan mo 'yan, ha? Baka bago ang pasukan, e, sira na 'yan," bilin ko kay Nene. Ang totoo ay biro ko lang naman iyon dahil alam ko namang masinop talaga ito lalo na sa mga bagay na bihira lang itong magkaroon.
"Hindi po, ate. Iingatan ko po talaga 'to kasi ito po 'yung pangarap ko, e. Ganito kaya 'yung bag 'nung kalaro ko na si Uda. Nakikita ko siya kapag pumapasok, e." Hindi ko maiwasang mapangiti dahil inaamoy-amoy pa ni Nene ang bag na akala mo candy.
"Bakit pala nalaman ni Reagan na
