"B-BAKIT mo naman gagawin 'yon? H-hindi mo naman kami kaano-ano. Hindi ka ba nanghihinayang sa pera mo?" sa pagitan ng halo-halong iniisip ko ay nagawa kong sabihin kay Reagan sa mahinang tinig. Diretso ang tingin niya sa daan nang lingunin ko, pero nagulat ako nang hulihin niya ang palad ko at pisilin iyon. Tinangka ko iyong bawiin pero masyadong mahigpit ang hawak niya. Kumalabog ang puso ko dahil sa halo-halong damdamin na lumukob sa akin sa paghawak niyang iyon. Buong buhay ko ay wala pang lalaking nakahawak sa kamay ko at hindi ko akalaing si Reagan De Alba ang unang makagagawa noon. Sino ba naman kasi ako? Isa lamang naman akong labanderang bukod sa negra na dahil sa kabibilad sa araw kapag nagsasampay, puro kalyo at sugat pa ang kamay. Lalo nga akong nahiya dahil napakalambot at nap
