"K-KAKAIN na raw sabi ni Papa. Pinatatawag ka lang niya sa akin. Sumunod ka na sa loob." Tumalikod ako kaagad pagkatapos kong sabihin iyon. Bigla kasi akong nakaramdam ng takot. Naisip kong baka mamaya ay sa akin nito ibunton ang galit nito kay Stella kanina.
"Luna, wait!" Humabol ito at pinigilan ang kanang braso ko. Bigla ay para na naman akong napaso. "Yung narinig mo...I'm sorry kung…"
"Wala 'yon. Ako nga ang dapat humingi ng pasensiya. Pero hindi ko naman sinasadya na makinig, e. Isa pa, kadarating ko lang din naman halos. Halika na, hindi masarap 'yung Papaitan kapag malamig na." Pinakawalan niya ang braso ko pero nanatili lamang itong nakatayo sa likuran ko at hindi sumunod patungo sa bahay. Nilingon ko siya dahil doon. Nakita kong umupo siya sa upuang kawayan sa ilalim ng mangg
