SA GITNA ng hapunan ay sinabi namin kay Papa ang paypayag kong magpakasal kay Reagan. Totoong nagulat ito at kagaya ng binata ay tinanong din kung sigurado na ba talaga ako sa desisyon kong iyon. Bagay na naintindihan ko dahil kilala ko si Papa. Pagdating sa aming mga anak niya ay palagi talaga itong nag-aalala at laging prayoridad nito ang kung ano ang makabubuti para sa aming magkakapatid.
"Kung ganyan na nakapagdesisyon ka na, e, wala na akong magagawa, Luna. Sana lang, e, huwag malagay sa alanganin itong anak ko, Reagan. Alam kong ang utang na loob namin sa 'yo ang nagtulak kay Luna para pumayag, pero sana ay hindi naman maging dahilan 'yon para mapahamak ang anak ko lalo na sa kamay ng dati mong nobya. Ikaw na nga ang nagsabi na parang nababaliw na ito. Baka kay Luna niya ibunton an
