MABILIS na lumipas ang mga araw at unti-unti na akong nasasanay sa lungsod. Natuto na akong magpunta sa mga Supermarket at Department stores pero palagi akong may kasama. Kung hindi si Manang Tess ay si Arra. Ilag at malayo kasi ang loob sa akin ni Melody kaya nahihiya akong magpasama sa kanya. Hindi naman naging problema sa akin ang transportasyon kaya siguradong hindi ako maliligaw dahil sa lagi na ay hindi ako pinapayagang umalis ni Reagan na walang sariling sasakyang dala. Naka-vibes ko tuloy ang may edad nitong driver na si Mang Jojo. Noon ay ito ang pinagmamaneho ni Mang Jojo pero simula nang dumating ako rito ay ako na ang pinag-da-drive ng matanda kahit saan. Nakakatuwa pa nga dahil sa sandaling mga oras na nagkakasama kami ni Mang Jojo ay naikwento na yata nito ang buong buhay sa
