ANG ganda-ganda ni Agatha sa suot nitong kulay black din na bodycon dress na halos kamukha ng tabas ng damit ko. Napaismid tuloy ako. Akala ko naman ay ikatutuwa ni Reagan ang suot ko pero nauna na pala nitong makita iyon sa babaitang ito. Nakakawalang gana tuloy. Bigla akong nanamlay. 'Yung excitement ko kanina ay napalitan ng kakaibang kahungkagan. Maging ang buhok ko ay ipinaayos ko pa kay Arra pero pakiramdam ko na naman ay nagmukha akong basahan nang makita ko ang Agatha na itong kahit walang ayos ang buhok ay di hamak na mas maganda. Nakakainis.
Naririnig ko na ang mga tawanan nila kaya naman pinilit kong umakto ng kaswal. Nakatayo ako sa may hagdanan kaya naman nagmukhang kabababa ko lang nang ganap nang makapasok si Reagan kasama ang apat nitong bisita. Ilang sandaling napatulala
