NAG-AAPOY sa galit ang dibdib ko kahit wala na sa harapan ko si Agatha. Bago ako talikuran nito kanina ay ang kapal pa ng mukha nitong sabihin na sisimulan nito ang plano ngayong gabi. Tumawa lang ako dahil ayokong isipin niya na natatakot ako sa banta niyang iyon. Ayokong bigyan ito ng kasiyahan sa kaalamang nag-aalala ako na baka maagaw nga nito ang asawa ko.
Matapos ang isang oras ko pang pamamalagi doon sa sala ay nag-text si Reagan na mauna na akong umakyat dahil nagyaya pang uminom ang mga bisita nito. Wala akong nagawa kung hindi umakyat sa kwarto namin at doon matiyagang naghintay sa pag-akyat niya. Pero halos hatinggabi na ay wala pa rin ito. Biling baligtad ako sa higaan at alumpihit ako. Mula sa kwarto namin ay dinig ang malalakas na boses ng mga ito mula sa lanai. Nagtatawana
