GUSTUNG-GUSTO kong ipagsigawan sa mukha niya na niloloko niya ako pero hindi ko magawa. Gusto ko itong sumbatan at sampalin pero iyon ang kahuli-hulihang bagay na gagawin ko sa kanya. Nasasaktan ako pero hindi ko kayang sabihin sa kanya ang nakita ko. Natatakot akong baka bigla nitong aminin na mahal pa nito ang dating kasintahan.
"What's wrong with you?" Bahagyang tumaas ang boses nito. See? Ang kapal ng mukha niya para ako pa ang tanungin ng ganoon! Hindi ko tuloy napigil ang sarili ko at mapakla akong napangiti.
"Bakit hindi mo tanungin 'yang sarili mo, ha? Wala ka talagang maalala? O baka naman iniisip mo lang na tanga naman kasi ako kaya nagmamaang-maangan ka?!" Halos maiyak ako nang bulyawan ko siya. Pero lalong nangunot ang noo nito. Hindi ko alam kung may lahi itong artista o an
