"I-I'M SORRY," laglag ang balikat nitong sabi. Lumapit ito at tumabi ng upo sa akin sa kama. Sinuklay ng mga daliri nito ang nakalugay kong buhok at inipon pagkatapos ay inilagay sa isang panig ng balikat ko. Hinalikan nito ang parte ng leeg kong na-expose at kaagad ay parang gustong maglaho ng galit ko. "I'm sorry, Sweetheart. Alam mo naman na ayokong may ibang lalaking nakakakuha ng atensyon mo, e. Ewan ko pero nagagalit ako kaagad," sabi nitong hindi pa rin tumtigil sa ginagawa. Bagkus ay pinagbubuti pa nito ang paghalik-halik sa akin na siyang naging dahilan ng panghihina ng mga tuhod ko. Paano'y tila alam na alam nito kung paano tanggalin ang galit ko.
"Hindi na lang ako mag-aaral kung gano'n ang tingin mo sa akin," naiiyak kong sabi.
"No. I'm sorry. I trust you, pero wala akong t
