LUNA
SABADO ngayon kaya minabuti ko ang magpatanghali ng gising. Pasado alas nuwebe na ng umaga ako bumaba para mag-almusal kahit wala naman talaga akong gana. Pinilit kong kumain dahil nakahihiya naman kay Manang Tess kung hindi ko kakainin ang mga inihanda niya. Baka magtampo pa ang matanda ay hindi na ako ipagluto pa.
"May problema ba, anak?" ani Manang Tess nang nakadulog na ako sa hapag. Niyayaya ko na rin sana ang mga ito na sabayan ako pero tapos na raw pala ito gayundin ang dalawang pamangkin na ngayon ay nasa Supermarket na. Kahit paano ay lumuluwag ang dibdib ko dahil sa kaalamang mayroong handang makinig sa akin na itinuring na rin akong anak. Kay Manang Tess ko nasasabi ang lahat dahil ramdam ko ang tunay na pagmamalasakit nito.
"Wala ho, Manang Tess. Na-mi-miss ko lang ho
