"ANO'NG nangyari? Nagmamadali itong lumapit at dinaluhan ako dahilan para hindi matuloy na mapaupo ako sa sahig. Bakas sa mukha niya ang labis na pag-aalala para sa akin. Hindi ako nakasagot kaya napabaling ang tingin nito sa cellphone na hawak ko na kalaunan ay nalaglag sa sahig. Kinuha nito iyon at napamura ng makita kung ano rin ang nakita ko kanina. Pakiramdam ko ay nanginginig ako ng sobra. Para akong hihimatayin na hindi ko maintindihan. Gusto kong sumigaw ng malakas pero alam ko naman na hindi ko iyon pwedeng gawin dito.
"Napaka-demonyo ng asawa mo, Bes. Walanghiya! Mapapatay ko iyan pag nakita ko." Nanggigigil si Mayang pero walang patid naman sa pagtulo ang mga luha ko sa sobrang sakit. Akala ko noong una ay ang kaalamang maghihiwalay din kami pagsapit ng anim na buwan ang pina
