"A-ANO'NG ibig mong s-sabihin?" maang kong tanong.
"Elunmira!" Napalingon ako sa may-ari ng tinig na iyon at nawala ang atensyon ko sa kaharap na si Clarence. Kaklase ko ang tumawag na ngayon ay palapit na rin sa amin.
" Cindy, ano'ng problema?" tanong ko sa kaklase ko na ngayon ay tuluyan nang nakalapit sa kinaroroonan namin ni Clarence.
"Natapos mo ba 'yung assignment natin kay Mr. Pacundo? Pakopya naman ako, o. Wala kasi akong internet kaya hindi ako nakapag-research, e." Si Cindy ang pinaka-close ko at nag-iisang kaibigan kong totoo dito sa University. Kaklase ko ito at sa sandaling iglap ay nakagaanan ko kaagad ng loob. Kaya naman parang si Mayang din ang turing ko dito lalo na at kasing-kalog ay kasing-loko rin ito ng bestfriend ko.
"Sige, tara, sa library na lang tayo." Tulu
