KAAGAD akong nakita ni Luna pero ewan ko, wala akong makitang saya sa mga mata niya nang magkatitigan kami habang malayo sa isa't isa. Ang inaasahan kong tatakbuhin niya ako ng yakap ay hindi nangyari. Sa tingin ko tuloy ay hindi niya ako na-miss. Napabaling ito kay Clarence at parang may sinabi dito dahil napalingon maging si Clarence sa gawi ko pero hindi kakikitaan ng pangingimi o pagka-ilang ang binata. Kakaibang panibugho ang naramdaman ko nang sandaling iyon. Biglang nagbalik sa isip ko ang larawan na naghahalikan ang mga ito. Bumalik din sa akin ang galit na nararamdaman ko nang makita ko iyon kaya hindi na ako nag-aksaya ng panahon. Sinalubong ko ang mga ito at mabilis na hinila ang asawa ko palayo sa Clarence na 'yon.
"Let's go, Sweetheart." Hinila ko siya para ilayo rito pero n
