LUNA
HINDI ko alam kung paano ko haharapin si Reagan kagaya ng dati. Kahit anong pilit ang gawin ko at kahit anong sabi ko sa sarili ko na marahil ay natukso lamang ito at hindi sinasadya ang nangyari, ay hindi ko naman siya magawang pakitunguhan ng mabuti. Makita ko pa lang ito ay parang tuksong bumabalik sa isip ko ang hubad nitong katawan habang nasa ilalim nito si Angela na ang mga kamay ay malayang humahaplos sa katawan ni Reagan. Parang tukso rin na naririnig ko maging ang mga halinghing at daing nila habang ginagawa ang kataksilan.
Matapos ang pagtatalo namin ay umalis ako sa bahay para huminga. Hindi ko alam kung saan ako pupunta kaya naman sinabi ko sa taxi driver na mag-drive na lang ito basta. Wala akong alam sa Maynila kaya naman sa habang kumakagat ang dilim ay bigla akong
